17. Schoolmesterdag 2018

„Ole Spraak un Themen vun hüüt": Na düt Motto schall de Schoolmesterdag düt Johr an´n 27. September in dat Rundlingsmuseum Wendlandhoff Lübeln in´n Landkreis Lüchow-Dannenbarg stattfinnen. De Lümborgsche Landschapsverband maakt al dat 17. Mal en Fortbillen för Schoolmesters, egol ob haupt- or ehrenamtlich. Kamen kann jeedeen, de sik för Plattdüütsch intressert. Dat gifft nich blots fachlich Anregen to Plattdüütsch un Region in´n Ünnericht. Man, de Veranstalten büdd ok en fein Mööglichkeit to´n Uttusch un to´n Kennenlehren.

In en Warksteed kann een lehren, wo Plattdüütsch un Digitalisierung ünner en Hoot to kriegen sünd. Christianne Nölting hett freuher as Moderatorsche bi´n NDR arbeidt. Hüüt is se de Baas´sche vun dat Lännerzentrum för Nedderdüütsch in Bremen. Se verkloort in Warksteed II, wo goot Vörlesen maakt ward. Namiddaags kiekt de Deelnehmers op dat Besünnere in´n Wendland: Jürgen Weinhold un Hans-Hermann Breuer vun den „Verein zur Förderung des Wenlandhofes Lübeln und der Rundlinge e.V." bericht över de UNESCO-Welterbeinitiative „Siedlungslandschaft Rundlinge im Wendland". Dorna snackt Birgit Huneke, Baas´sche vun´t Gorleben Archiv in Lüchow, över den Wedderstand in´t Wendland.

De Schoolmesterdag finnt in Tosamenarbeit mit de Lannesschoolbehöörd statt. Anmellen kann man sik vun jetzt an bet to´n 19. September 2018. Dat Programm un ok en Zeddel to´n Anmellen kann een sik hier rünnerladen:

Zeddel to'n Anmellen 

Programm

Das Rundlingsmuseum "Wendlandhof" in Lübeln
© Inga Seba-Eichert

© Inga Seba-Eichert

© Inga Seba-Eichert