17. Schoolmesterdag in Lübeln

Ok dit Johr sünd an'n letzten Dünnersdag in September weer üm un bi 60 Lüüd tohoop kamen, üm sik frische Ideen för den Plattdüütsch-Ünnerricht to halen. Dat Rundlingsmuseum Wendlandhof Lübeln hett dorför en feinen Rahmen boden. De Deelnehmers kunnen sik wiederbillen to dat Thema "God un richtig op Platt Vörlesen". Dormit hebbt se sik rüst för den plattdüütschen Schöler_lees-Wettstriet neegst Johr. Christianne Nölting un Heiko Frese hebbt jüm dorbi op de Sprüng hulpen. En twete Grupp hett dat Billerbook "Lüttje Muus" to'n Lopen bröcht. De Schoolmesters hebbt lehrt, wie een ut en lütt Billerbook veel, veel mehr maken kann. Margaretha Stumpenhusen un Kathrin Fahlbusch harrn dorför veele Ideen op Lager.

Na dat Middageten hebbt Hans-Hermann Breuer un Jürgen Weinhold vun'n "Verein zur Förderung des Wendlandhofes Lübeln und der Rundlinge e.V." de Deelnehmers bi besten Sünnenschien verkloort, wannehr un wo de Rundlinge opkamen sünd. Mit ehren Vördrag över den AKW-Wedderstand in't Wendland hett Birgit Huneke vun dat Gorleben Archiv ut Lüchow mächtig beindruckt un so den Schoolmesterdag 2018 to Enn bröcht.

 

Der 18. Schoolmesterdag findet am Donnerstag, 26. September 2019 statt.

Das Rundlingsmuseum "Wendlandhof" in Lübeln
© Inga Seba-Eichert

Workshop mit Christianne Nölting, Leiterin des Länderzentrums für Niederdeutsch © Inga Seba-Eichert

Vortrag von Birgit Huneke, Leiterin des Gorleben Archivs © Inga Seba-Eichert